La libertad sin duas rodas

Il temp da primavaira vegnan las maschinas puspè prendidas ord garascha. Quellas da crom sin duas rodas che fan bler fim e grond fracass: ils töfs e las motos.

Veglias motos cun gronds motors. Bild in Lightbox öffnen.

Legenda da maletgs: Pli bia crom e pli gugent: Motos veglias cun gronds motors. Keystone

Dal vehichel da mintgadi al vehichel dal temp liber

Pli baud era la moto surtut in vehichel per charrar bunmartgà d’in lieu a l’auter. Ozendi è il vehichel da duas rodas per blers in hobi. Strusch ch'ils pass avran vegni charrà sur culms e vals. In viadi cun töf po anc adina dar in sentiment da libertad. Quai sentiment vegn savens partì cun auters en clubs ed uniuns da motociclists.

La libertad totala sin il chopper. Avrir maletg en lightbox.

Legenda da maletgs: La libertad totala sin il chopper. Keystone

«  La moto munta libertad. Ed exact per quai vai.
 »

Easy Rider
Film american 1969

Clubs da motociclists en il Grischun

En il Grischun existan praticamain en mintga vallada gruppas u clubs da töfs. Per exempel il «Club da Töffs Engiadina Bassa», ils «Grischa Bikers» u il «Grischa Chapter Switzerland». A Cuira datti era in club da Vespas. Ils ultims onns han era ils mopeds vegls puspè chattà ina renaschientscha.

Scuntradas da töfs

Ina sentupada legendara da töfs en il Grischun era quella dal «Fat Tire» sin l’alp Plaun sur Laax. Pervia da mancanza da finanzas è quella vegnida organisada la davosa giada il 2006. Il club dals «Töffists Jauers» aveva fatg part il 1996 ad ina sentupada internaziunala da l’autra vart dal pass dal Stelvio. La Televisiun Rumantscha aveva accumpagnà ils bikers sur il pass.

Laschar ir video «Töffists Jauers sur il Stelvio 1996»

Töffists Jauers sur il Stelvio 1996

5:57 min, L'archivar recumonda dals 25.8.1996
«  Per ün töfist es quai musica. Quai nun es ningüna canera. Plü dad at chi’d es i meglder cha quai tuna.  »

In motociclist dal club
Töffists Jauers

Preveder accidents cun la moto

«Libertad ed individualitad» – è il motto da blers che van cun la moto. Per pudair viver quests sentiments da libertad ed individualitad hai dentant era num da respectar tschertas reglas. La polizia na vul betg mo incassar chastis per motociclists che surpassan la spertadad lubida, mabain era gidar d’evitar accidents. Per exempel il 2011 cun l’occurrenza «Biker-Prävi-Days».

Laschar ir video «Dis da prevenziun per ils motociclists»

Dis da prevenziun per ils motociclists

2:28 min, L'archivar recumonda dals 16.5.2011

La fascinaziun töf

L’ir cun töf fascinescha giuven e vegl. Il giuven vul charrar svelt en las stortas, il pli vegl prenda pacific la via sur ils pass cun la Harley Davidson. Tar omadus sesa adina era il privel sin la maschina. Dus motociclists ed ina motociclista avevan raquintà avant passà 30 onns en il Radio Rumantsch da lur passiun sin lur maschinas da duas rodas.

«  Seser si davos drova dapli curascha che dad ir sezza cul töf. »

Giuvna Bernardetta
Motociclista ils onns 80

Ina passiun per la vita

Ses megliers amis enconuschan el mo sut il num Bimbo. Edwin Schnoz, uschia è ses num burgais. El è gia da pitschen ensi stà fascinà da las maschinas sin duas rodas. Surtut ils fabricats da la Gronda Britannia cun nums sco «Norton» e «Triumph» han attirà ses interess. Il 1996 aveva il Bimbo raquintà en il Radio Rumantsch da sia passiun per ils töfs. Era sia dunna Giuliana aveva gì in pled en chapitel.

«  In che mava pli baul cun töf era in individualist. In tip tut special.  »

Bimbo
Töffist passiunà gia da giuven