Perlas or dal archiv da Johann Georg Hold

Per l'emissiun dad oz avain nus preparà bleras scuvertas che nus avain survegnì dacurt. Johann Georg Hold, in um pensiunà da Churwalden è s'annunzià tar nus ed ha raquintà da sia collecziun da plattas fonograficas, bleras veglias e schizunt da quellas fitg veglias da shellack che van sin il grammofon cun 78 turas. Quai ha sveglià noss interess e nus avain digitalisà diversas da quellas per noss archiv ed oz as preschentain nus in per da quellas truvaglias che vus udis forsa per l'emprima giada. Nus avain tschernì registraziuns dals onns 70 e vus udis furmaziuns sco la Ländlerkapelle Arno Jehli, la chapella Grossmann da Cuira, las chapellas Alpafründa, Arflina e Vorab.