Ida Spinnler accumplescha quest onn ses 100avel anniversari. Ella guarda enavos sin in tschientaner turbulent, sin sia vita muventada: Quella ans maina da l'uffanza sco figlia da Randulins en l'Italia, en il mund dals artists a Paris ad ina vita dira sco mamma singula cun trais uffants ils onns 60 en Svizra. «Damain cha tü hast, plü libra cha tü est», concluda Ida Spinnler – er sche sia vita è stada tut autra che simpla.
1 / 11
Legenda:
Ida Spinnler mussa ses archiv da fotografias il favrer 2024.
RTR
2 / 11
Legenda:
Ida Cuorad sco poppina, ensemen cun sia sora Irma e ses frar pli vegl Adolf a Piacenza.
Ida Spinnler
3 / 11
Legenda:
La famiglia dad Ida en vacanzas a Lavin l’onn 1935
Il bab Jon (Giovanni) Cuorad, la sora Irma, amez Ida, la mamma «Miggi» ed il frar Adolf.
Ida Spinnler
4 / 11
Legenda:
Ida l’onn 1939 fotografada da sia onda fotografa Gitti Branger da San Murezzan.
Ida Spinnler
5 / 11
Legenda:
Ida Spinnler a Paris la primavaira 1953.
Ida Spinnler
6 / 11
Legenda:
Ida Spinnler cun ses um Ralf Spinnler il 1953.
Ida Spinnler
7 / 11
Legenda:
Ida Spinnler cun sias figlias Katrin ed Anna (sin bratsch) l’enviern 1959 a Lavin.
Ida Spinnler
8 / 11
Legenda:
Ida Spinnler fotografada dal fotograf Roland Schneider l’onn 1960.
Ida Spinnler
9 / 11
Legenda:
Ida Spinnler l’onn 1980 ad ina festa.
Ida Spinnler
10 / 11
Legenda:
L’onn 2005 sin porta da sia chasa a Lavin.
Ida Spinnler
11 / 11
Legenda:
Ida Spinnler l’onn 2006 ad in’exposiziun da ses um barmier Rolf Spinnler davant in purtret ch’el aveva fatg dad ella.
Ida Spinnler
Sco uffant surviva ella il tifus, sco giuvna ina guerra e sco creschida ina vita tranter lavur, famiglia e migrenas. Uschè bain sco cun bunamain 100 onns na saja anc mai ì cun ella. Ma Ida Spinnler sa dumonda il medem mument quant vegls ch'ils umans dastgan insumma vegnir. Questa Marella è in panopticum tras in tschientaner or d'ina vista fitg persunala e fa las dumondas tge ch'i dovra per la fortuna e cur ch'igl è temp per ir.
