Cur che la notg dat il maun al nov di
«L’alva da la damaun è il cor pli cler e pront per prender las bunas e vairas decisiuns per la vita», di Pirmina Caminada da Surcasti. Ella è naschida al pe da la Greina, a Ligiazun entadim la Val Lumnezia. Gia d'uffant haja ella sentì ina stretga relaziun cun la natira e noss cosmos. Vita e Cretta ha fatg ina spassegiada cun ella in dals emprims dis da l’onn. Sentir il serenizi, tadlar il silenzi, vesair las colurs che sa midan il mument che la notg dat il maun al nov di.
Pirmina Caminada, ornitologa ed experta dad ervas, guardiaselvaschina, autura ed enconuschidra da lieus da forza e magia en Lumnezia. Ella ans maina cun patratgs ed impuls ad in lieu da forza secret. Tge che quest lieu magic è bun da far cun l’uman e nua che nus pudain chattar noss lieus da forza persunals, ans di la dunna da la natira en Vita e Cretta.
