Per artistas ed artists è la libertad d’art sontga. E per il mument è ella era en privel. Persunas activas sin il champ cultural en la chapitala tudestga Berlin sa fan actualmain quitads pertutgant la libertad d'art.
Sche nus n’avessan nagina libertad d’art, avessan nus in problem politic.»
Tgi che vul survegnir daners per promover la cultura a Berlin sto numnadamain s'engaschar uffizialmain cunter la discriminaziun e cunter l'antisemitissem e suttascriver ina clausula correspundenta. Quai ch'è manegià bain, scurlatta la libertad d'art en ses fundament.
Cunquai ch'i ha dà gronda opposiziun, èn ins puspè sa distanzià d'ina tala directiva – quai è vegnì enconuschent mardi passà.
L’art ha era l’incumbensa da metter en discussiun tschertas tematicas, gist era sche quellas èn criticas e dispitaivlas.»
Il cas ha er manà ad ina nova discussiun en Svizra, nua che la libertad d’art è dapi l’onn 1999 in dretg constituziunal. Tge dastga art? Ha la libertad d'art cunfins? E sche gea, nua chala la libertad d'art?
Dapi passa dus decennis è ina Jaura sin viadi en la scena d'art svizra – Esther Schena, artista e serigrafa. Cun Vita e cretta discutescha ella, quant lunsch ch’ella va cun ses art, sche quel duess alarmar u provocar. Quanta pussanza ch’ella sco artista ha sur da ses public e cura che ses art è politic.
Las dumondas da mes art èn era da natira filosofica e varieschan per il pli da lavur a lavur. Jau na respund però betg las dumondas, quai n'è betg mia intenziun.»
