En il center da l'Artg musical dad oz stat Curdin Janett. Il musicant, musicist e cumponist oriund da Tschlin ha gist festivà ses 70avel – e nus dain in sguard sin sia carriera musicala e sias staziuns.
Da Curdin datti era numerusas cumposiziuns da tut ils geners, da musica populara tradiziunala, da quella plain experiments e surpraisas, tocs da jazz e blers arranschaments per chors, bands e chapellas.
En l’Artg musical da questa dumengia raquinta el era da sia uffanza a Tschlin, da ses emprims pass musicals, da ses instruments ed era da ses figl e sias figlias ch'han ertà sia passiun per la musica. E cler che vus udis er intginas da sias cumposiziuns. Per exempel «La polca da nona», «La mazurca dal Bambus», «La cupicharola nova», il «Blues in F pels giats da Fritz», e la bella mazurca «Davo la lomma». Nus laschain sunar e chantar il Cor da la scoula media evangelica Samedan, ils Frars Janett & Caviezel, Satie's Fraktion, Szilla, ils Fränzlis da Tschlin, C'est Si B.O.N, Standards of Rumantsch e Vus udis er co ch’el suna ensemen cun ses frar Domenic.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.