Cun 8 onns ha Flurina (*1989) gì si'emprima lecziun da violina. 2013 ha ella terminà il studi Master of Arts in Music Performance a Berna. Dus onns pli tard lura il Master of Arts in Music Pedagogy a Turitg. Flurina instruescha a la Scola da musica Weinfelden e suna en divers orchesters (d.a. Tonhalle-Orchester ZH) ed en furmaziuns da chombra.
Ses frar Janic (*1992) ha cumenzà cun 10 onns a dar la battaria. 2015 ha el terminà il studi Bachelor of Arts a Turitg. Suenter in praticum tar l'Orchester sinfonic dal Hessischer Rundfunk ha el acquistà il Specialized Master. Il mument è Janic engaschà tar il Tonhalle-Orchester ZH.
Dapi onns sunan ils fragliuns Sarott er ensemen e quai sco duo: violina/percussiun. In punct central da questa lavur èn las atgnas cumposiziuns. En il concert dals 24 da fanadur 2020 a Samedan han els interpretà t. a. lur ciclus «Patria». RTR ha registrà quest concert e porta el en l'Artg musical.
Ils titels en l'emissiun
Titel | Interpret | Cumponist |
---|---|---|
Cantabile Zyklus zum Thema: Patria (Heimat) | Flurina & Janic Sarott | Niccolo Paganini |
1. Atmosfera da la daman aint i'l god | Flurina & Janic Sarott | Flurina & Janic Sarott |
2. Di e not | Flurina & Janic Sarott | Janic Sarott |
3. Al pass Lunghin | Flurina & Janic Sarott | Flurina & Janic Sarott |
4. La Clemgia | Flurina & Janic Sarott | Flurina & Janic Sarott |
5. Allegra | Flurina & Janic Sarott | Flurina Sarott |
6. Increschantüm | Flurina & Janic Sarott | Janic Sarott |
7. La tschiaindra | Flurina & Janic Sarott | Flurina & Janic Sarott |
8. Randulinas | Flurina & Janic Sarott | Flurina & Janic Sarott |
A Little Paryer (choral) | Flurina & Janic Sarott | Evelyn Glennie |
Ballade lyrique: Chara lingua da la mamma | Galina Vracheva, piano | Robert Cantieni arr: Galina Vracheva |