Siglir tar il cuntegn

Header

video
She York al festival SUNS
Or da RTR dals 22.11.2016.
laschar ir. Durada: 7 minutas 41 Secundas.
cuntegn

Festivals Festival SUNS Europe/Ladinia

SUNS, il festival da la chanzun en linguas minoritaras (festival de cjançon in lenghe minoritarie), è in eveniment che vul far la punt tranter las differentas minoritads da l’Europa.

SUNS è sta per l’emprima giada il 2009 ad Udine, il 2011 lura en terra rumantscha, a Falera. Quest onn returna il festival puspè en la regiun dal Friul ad Udine cun minoritads da las regiuns alpinas e mediterranas, l’eveniment final è ils 3 da december ad Udine, lura cun minoritads da tut l’Europa. Da la partida èn lura sper furlans, sards, occitans, feroais e rumantschs er ils bascs, bretons, ils scots, irlandais ed ina gruppa da la Galizia. Sper la musica datti er in focus spezial sin litteratura, film ed art.

She, York represchenta la Rumantschia

La chantadura lumneziana She, York (Sarah Clavadetscher) sa participescha quest onn per la Rumantschia cun la chanzun «Solitari». Per pudair ir a SUNS Europe ad Udine ha ella da sa qualifitgar al il festival SUNS Ladinia, che è ils 19 da november a Moena en il Trentino tar ils ladins da la Val di Fascia.

Las bands tar SUNS Ladinia:

  • Arrogalla (sard)
  • Saber Systeme (occitan da la regiun dil Piemunt)
  • Berdon (ladin da la Val di Fascia)
  • Trip
  • Marco Mattia (ladin da la Val di Fascia)
  • Rocco de Santis
  • Doro Gjat
  • She, York (rumantsch)

Las bands tar SUNS Europe:

  • Veronika Usholik (chukchi, ost da la Sibiria)
  • Brieg Guerveno (breton, lingua celtica)
  • Steso (feroais, da las inslas Feroas)
  • Familia Caamagno (galego, da la Galizia)
  • Imlé (gaelic, da l’Irlandia)
  • Aon Teanga:Un Çhengey (scot, irlandais ed in dialect da la insla da Man)
  • Norma (fris, da la Germania dal nord)
  • Gurude (chakass, Chakassia, regiun tranter Krasnojarsk e la Mongolia)

Furmaziuns rumantschas che han participà a SUNS:

  • 2009 : Ursina
  • 2010 : Pascal Gamboni
  • 2011 : Cha da fö
  • 2012 : nagina partecpaziun rumantscha
  • 2013 : Tawnee
  • 2014 : Pascal Gamboni
  • 2015 : Me & Marie, victurs SUNS Europe

Artitgels legids il pli savens