Siglir tar il cuntegn

Header

cuntegn

Open air Lumnezia 2017 Glion – la gievgia in pau surchargià

Pervi dal cumenzament dal Open Air Lumnezia ha quai dà la gievgia bler traffic d'autos e da persunas enturn la staziun da Glion. Entant è la situaziun però puspè sa calmada.

Ils trens sco er ils autos da posta ch’èn arrivads la gievgia durant il di a Glion eran bainspert pli plains che durant in di usità. Ils emprims visitaders da l’Open Air Lumnezia èn gia arrivads bun marvegl a Glion per lura far il viadi vinavant cun in bus enfin a Degen. Er la fluctuaziun dad autos è stada in bun tant pli auta ed ha per part procurà per impediments da traffic.

Midar bindel gia a Glion

Tar la staziun da Glion han ils organisaturs drizzà en stans nua ch’ils visitaders pon midar lur bigliet per in bindel da festa. Curt avant mezdi cur che plirs trens èn arrivads aveva quai ina brava colonna avant ils stans.

La gievgia vers las tschintg parevi dentant che la gronda fulla era vargada. En il center da Glion ed er als stans da midar bindels era la situaziun puspè sa calmada.

RTR

Artitgels legids il pli savens