Open Air Lumnezia è vendì ora

In’emna avant che l'Open Air Lumnezia cumenza a Degen na datti nagins bigliets pli.

Open Air Lumnezia. Bild in Lightbox öffnen.

Legenda da maletgs: Tut ils 18'500 bigliets per il pli grond festival grischun èn davent. RTR, Linus Livers

Tut ils 18’500 bigliets per la 33avla ediziun dal festival grischun sajan vendids, annunzian ils organisaturs. Quest dumber da bigliets muntia il cunfin da la capacitad da l'Open Air Lumnezia.

Sistem da pajar «Cashless»

Il festival avra la plazza da campar la gievgia a l'ina e cuzza trais dis. Per far pli cumadaivla e simpla la vita sin l'areal da l'open air, è per l'emprima giada en funcziun il sistem da pajar cun il bindel dal festival, quai via telefonin.

Tgi che na vul betg sa registrar, po chargiar si daners al lieu e quai bar, via carta da credit u EC. Avant ch'ir a chasa survegnan ins puspè enavos il rest dals daners tar il CashDesk. Persunas registradas survegnan automaticamain enavos ils daners via pajament da banca.

RR novitads 16:00