La Black Dyke Band, pli baud la Black Dyke Mills Band, è ina da las pli veglias ed enconuschentas bands da brass da l’Engalterra. Ella n’è betg mo ina da las pli enconuschentas bands da brass dal mund, strusch ina musica po sa mesirar cun lur prestaziuns. La Black Dyke ha gudagnà 30x il British Open, l’emprima giada l’onn 1862. Il National Championsship han els gudagnà 24 giadas e 13 giadas èn els stads campiuns europeics.
La Black Dyke Band è adina puspè sin turnea e quai en blers pajais e sin blers continents. Dapi intgins onns èn els era preschents al Swiss Open Contest a Lucerna che ha lieu quest onn per la 34avla giada. (21.09.2024) Lur concert da gala fascinescha mintg’onn.
La Brass Band Willebroek da la Belgia è vegnida fundada l’onn 1979 ed ella vegn dirigida dapi la fundaziun da Frans Violet.
Er la Brass Band Willebroek tutga tranter las bands las pli famusas. La band ha recaltgà in mantun titels; 2x campiuns mundials, 3x campiuns europeics e 22x campiuns da la Belgia.
L’emissiun preschenta furmaziuns da brass, armonias, fanfaras, musicas militaras, furmaziuns pitschnas ed auter pli.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.