Tschintg chors èn sa preschentads la sonda ils 3 da favrer en la Baselgia Sogn Gliezi per il concert da motto «Klangliches». Il Chor viril Surses, il Frauenchor Bubikon, l’Ensemble Vocal DeMusica, il Gruppo Vocale Cantadonna ed il Kammerchor Notabene Basel. Els han chantà mintgamai pliras chanzuns sut il motto «dal tun». Saja quai cun variaziuns da vusch, cun instruments ubain cun «Body Percussion» – pia cun il corp sco instrument. L’emissiun dad oz preschenta insaquantas da quellas registraziuns.
En noss archiv da musica èn da chattar nundumbraivlas registraziuns da chors - en spezial chors rumantschs e grischuns.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.