La scena da musica rumantscha viva. Actualmain publitgeschan plirs artists ed artistas rumantschas nova musica. Betg adina uschè simpel da tegnair qua la survista. Marcus Petendi ha retschertgà e metta al lieu quai che gira en la scena da musica locala.
El è vegnì visità en il studio da trais acts ch'han preschentà medemamain lur musica nova:
ANIKK
Cun sias chanzuns da pop electronic è la giuvna chantadura da Schluein regularmain d'udir en differentas staziuns da radio svizras. Ils 5 d'avrigl cumpara ses debut-EP «Heart Breath».
Reat
Reat stat per musica dira cun texts creativs per rumantsch. Ils trais giuvens Engiadinais persvadan surtut sco ina ferma band live, funcziunan però gist uschè bain en il studio sco ch'els cumprovan cun lur single actuala «Fö».
Cinzia
Cinzia Regensburger da Scuol cumbinescha influenzas da musica pli veglias da l'entschatta dal 20avel tschientaner cun texts giuvens che tutgan il spiert dal temp. Era sin il palc sa fa Cinzia in num sco artista giuvna. Strusch insatgi auter è uschè diligent cun sunar concerts. Suenter ses debut album «In Movimaint» dal 2023 cumpara quest atun gia ses segund album.
