Siglir tar il cuntegn

Header

cuntegn

Nossa litteratura Jon Nuotclà

Jon Nuotclà, naschì ils 15-01-1934 a Favugn.

Jon Nuotclà è naschì a Favugn, è però creschì si a Ftan. Suenter las scolas elementaras ha Jon Nuotclà frequentà il Seminari da magisters a Cuira. Pli tard ha el studegià biologia a l'Universitad da Turitg nua ch'el ha fatg il doctorat phil II. Durant blers onns ha Jon Nuotclà instruì biologia a la scola secundara ed al gimnasi a Cuira. Oz viva el a Ftan.

L'ovra litterara da Jon Nuotclà è fitg multifara. Ultra dad in roman e lavurs dramaticas ha el era scrit numerus raquints ed istorgias curtas cun ironia subtila. Jon Nuotclà ha era scrit regularmain per la revista satirica «Il chardun».

Intginas ovras

  • Il sunteri da nanins / L'öv dal ravarenda, 1984
  • Il gö cul dòdò. 1987
  • Il tunnel. 1991
  • Gös da pussanza / Il scrign da Sepp Müss / Teater a Chatratsch. Trais Teaters, 1991
  • Ün pitschen impach. Teater in quatter acts. 2001
  • Istorgias, 2001
  • In Davos und Berlin: zwei Lebenswege durch das 20. Jahrhundert, 2015

Distincziuns

  • Contribuziun ad in ovra da la Pro Helvetia, 1986, 1992 e 1998
  • Emprim premi a la concurrenza litterara «La Pagina», 1990
  • Premi da renconuschientscha dal chantun Grischun, 1995

Artitgels legids il pli savens