Ina tala segirtad e tal urden n’avain nus betg vis dapi 15 onns.
Il motiv per quest urden saja che la guerra saja a fin. Per la situaziun da segirtad haja la nova regenza dals Talibans purtà ina meglieraziun. E per la pasch saja d’acceptar chaussas che na sajan betg bunas.
Per las dunnas sin la campagna n’hai betg midà bler ils davos 26 onns. Ma las dunnas en las citads, quellas pateschan uss.
La situaziun per las dunnas è vegnida mendra cun la regenza dals Talibans. Ma la digitalisaziun haja purtà in meglierament. Damai che scolas e universitads èn scumandadas per dunnas hajan las dunnas spustà lur scolaziun e studis cumplettamain en l’internet.
Igl è stà in dals pli bels viadis en l’Afganistan.
Dunnas pon be lavurar en professiuns en las qualas ellas han contact cun dunnas – sco per exempel sco medias, tgirunzas, tar la polizia ubain tar la duana. En autras professiuns saja grev per las dunnas. Ma la regenza haja sentì ch’i na giaja betg senza las dunnas, di Joseph Häfliger en l'emissiun «Vita e cretta». El spera sin midadas. Serrar davent la mesadad da la populaziun ord la publicitad, quai na giaja betg.
Igl è ina vita dira en l’Afganistan.
