DEAD! 11-05-1981
Probablamain il pli enconuschent musicist da Giamaica. Sia chanzun «One Love» è vegnida numnada sco la chanzun dal tschientaner. Ed era en sia vita veva el charezza per blers, uschè è el vegnì trais giadas bab entaifer in mais l’onn 1972. En tut ha el tranter 11 e 13 uffants da 7 resp. 9 differentas mammas.
ALIVE! 30-01-1951
Suenter che sia terza dunna è ida cun ses uffants el l’America è Phil Collins sulet a chasa - senza famiglia, senza lavur. El entschaiva a baiver ed insacura sa tschenta el en l’ospital. «Da l’alcohol fiss jau bunamain mort.» Dapi curt temp è Phil Collins enavos en il business e festivescha oz ses 66avel anniversari.
ALIVE! 24-01-1941
Neil Diamond è in chantadur, cumponist, musicist ed actur american. Quest onn astga Neil ir sin tura mundiala, el festivescha ses 50 onns en la branscha da musica.
Sco ch'el è stà fidaivel a ses stil da musica èn era ses fans stads fidaivels a Neil Diamond.
DEAD! 03-06-2016
«Rumble in the Junge» envers George Foreman e «Thrilla in Manila» envers Joe Fraziers valan sco classichers da la paisa maximala en il mund da boxar. Era ordaifer il sport ha el polarisà. Naschì è el sco Cassius Clay, ha dentant midà l’onn 1964 ses num en Muhammad Ali ord motivs religius. D’ir a la guerra dal Vietnam ha el refusà. L’onn 1999 è el vegnì elegì dal Comité olimpic internaziunal sco sportist dal tschientaner.
DEAD! 10-01-2016
David Robert Jones, ses num burgais, dat in dals gronds artists dal mund. Durant sia carriera da passa 40 onns ha el producì dapli che 25 plattas. Cun sia abilitad da sa midar ha el gì gronda influenza sin l’istorgia da musica.
Il pli grond effect culturala ha el gì cun sia figura d‘art Ziggy Stardust.
ALIVE! 05-01-1968
Per cumenzar l’onn vulain festivar l’anniversari dad in dals gronds stars da la Svizra.
Da ses fans vegn el era numnà il «King of Dance» ed el ha gia survegnì diesch giadas il «World Music Award» sco «The World's Best Selling Swiss Recording Artist». Betg mal, ha?