Numnadamain:
- la minoritad svedaisa en Finlanda
- la minoritad gaelica en Scozia
- la minoritad caschuba en Pologna
- la minoritad valisa a Wales
- la minoritad tudestga en il Tirol dal Sid
- la minoritad rumantscha en Svizra
La finamira da quest project è da fortifitgar las cumpetenzas interculturalas dals giuvenils e promover lur cumpetenzas linguisticas. In auter aspect da quest project è da cumbatter la discriminaziun da minoritads e da s’infurmar davart autras culturas e linguatgs, sco era promover la toleranza ed ina mentalitad positiva. Il cuntegn dil project e las activitads en quest connex duessan gidar ils scolars da vegnir conscients da la muntada dals linguatgs e da las culturas da lur conturn.
En in segund pass duessan els tschentar lur experientschas en in context internaziunal. Tut en tut duess l’identitad e la chapientscha da la derivanza linguistica e culturala dals scolars vegnir rinforzadas ed els duain pudair transferir lur savida sin autras gruppas da minoritads linguisticas.
Previs èn quatter inscunters. L’emprim è stà il december passà a Grankulla en Finlanda. Ils proxims guardan ora uschia:
mars/avrigl 2017: Pologna
atun 2017: Tirol dal sid
primavaira 2018: Wales
E qua il video da lur viadi a Grankulla:
Ed il Battaporta ha visità la classa suenter lur viadi en la Finlanda:
