«A l’entschatta era il pled»

En il center dals Dis da litteratura a Domat stat onn per onn il pled – il pled scrit, il pled rumantsch.

Ils Cuntrasts prendan propi per il pled la tematica e mettan l’entira emissiun – moderada davent da Domat dad Anna Serarda Campell – sut il chavazzin biblic «a l’entschatta era il pled». Purtretads vegnan tranter auter Arnold Spescha e Gianna Olinda Cadonau, acrobats da pleds e prelecturs als Dis da litteratura. Purtretads vegnan però era dus reverendas ladins che pregian regularmain il pled da Dieu, Chatrina Gaudenz a Turitg e Jon Janett a Scuol. En ils Stadis Unids vegn cumbattì cun pleds main biblics per il presidi american. Ils Cuntrasts han perquai visità Rumantschas e Rumantschs che vivan en il pajais da Trump e Clinton, per guardar tge ch’i manegian da quest cumbat u cabaret da pleds.

Contribuziuns

  • Trailer

Dapli dal tema

RTR/td