Allegra Svizra – ils immigrants (episoda 3)

Mintg'onn cumenzan var 100'000 umans ina nova vita en Svizra. La seria «Allegra Svizra» sa fatschenta en 5 episodas cun il destin da persunas ch'èn arrivadas da l'India, da la Frantscha, da la Siria e dal Portugal.

Las nozzas en Frantscha dal Sid èn passadas, uss cloma il mintgadi svizzer. Julie Canovas è cuntenta cun sia lavur tar la Nestlé, ses um Fabien Canovas, in inschigner, n'è betg satisfatg e tschertga ina nova sfida. La Portugaisa Lisa Maria Araujo è confruntada cun problems: Tar la mamma han ins diagnostitgà indizis d'ina demenza e la situaziun economica dals dus figls è preoccupanta. Il manager Rahul Budhwar è uss sez responsabel per ses tegnairchasa a Turitg, insatge ch'el n’ha mai fatg en l’India. El è cuntent che sia dunna e figlia arrivan prest en Svizra. Per las figlias Rawan e Razan da la famiglia siriana Al Sheikh cumenza ina nova aventura. Per l'emprima giada pon ellas frequentar in champ da classa.

Contribuziuns

  • Trailer

    Il bab Mohammed, la mamma Abeer e las duas figlias Rawan e Razan Al Sheikh èn fugids da la Siria sur la Mar Mediterrana en l’Europa. En Svizra han els chattà asil.

RTR/td