Dar colur – mussar colur

Il film documentar «Dar colur – mussar colur» da la cineasta Menga Huonder-Jenny s'occupa da la dumonda: Dar colur u betg dar colur a chavels grischs?

Igl ha valì la paina da tschertgar las dunnas cun chavels grischs. Ellas lubeschan in sguard intim en il tema dals chavels grischs. Malgrà la tematica grischa è resultà in film ordvart colurà e varià. Il film dat il pled a dunnas da l’entir Grischun, da l’Engiadina, la Tumleastga, la Val Schons e la Surselva. Tuttas dunnas èn pertutgadas dals chavels grischs, l’archeologa, la politicra, l’artista, la pura, la pensiunada, e dunnas, per las qualas ina cumparsa cultivada è impurtanta en lur lavur. Pliras dad ellas dattan colur lur chavels, autras betg.

Il film è in’egliada sin nossa relaziun cun il vegnir pli veglia. In’egliada amuraivla, spiertusa e melancolica al medem temp.

Contribuziuns

  • Trailer

Dapli dal tema

RTR/td