Subito santo!

Noss mintgadi è be plain da sontgs: il Son Niclà, San Murezzan, Son Gagl, la saira sontga. Il mund dat l’apparientscha dad esser in vair sontget.

E perquai sa fatschenta l’emissiun Cuntrasts ditg avant la Sontga Tschaina da Pasca cun sontgs, sontgets e sontgitads. Tranter auter cun Son Giusep – sia statua vegn prendida, durant il mais mars, or dal «teschamber» e mess en parada en baselgia, p.ex. a Mustér. Pertge atgnamain? En il Grischun datti però era vatgas sontgas, ina da quellas è la chatscha grischuna. Cuntrasts ristga da metter en dumonda radicalmain questa vatga sontga. E l’emissiun Cuntrasts va anc in pass vinavant, ella va a la tschertga dal cuntrari dal sontg, dal diavel. Quel vegn numnadamain anc oz stgatschà en l’uvestgieu da Cuira cun praticas d’exorcissem. Cuntrasts ha visità in exorcist en l’Engiadina.

Contribuziuns

  • Giusep, Giuseppa ed il Son Giusep

    In dals pli populars sontgs è Son Giusep – mintga Nadal plazzà prominent en la stalla da Betlehem. Ma uschiglio è Son Giusep plitost en la sumbriva.

  • Il demuni en il Grischun

    I tuna sco en in roman istoric. Ma en l’Uvestgieu da Cuira vegn propi anc stgatschà il diavel cun praticas d’exorcissem. Nus avain visità in exorcist en l’Engiadin’ota.

  • La chatscha grischuna è ina vatga sontga

    Da metter en dumonda la chatscha grischuna è quasi in tabu. U sa lascha tuttina imaginar in Grischun senza chatscha? Nus discurrin cun il capo-chatschader, cun in biolog, in vegan ed in deputà.

  • In sontg digital

    Era il Sontg Antoni è in sontg popular, el gida a chattar clavs, bursas ed anels. Ma enstagl dad ir a far lungs pelegrinadis tanschi da pajar online l’unfrenda.

  • Trailer

Dumagnais il memory da sontgs?

I n'è betg simpel ;)

Dapli dal tema

RTR/td