Roland Collombin – il skiunz selvadi

Roland Collombin tutgava ils onns setanta, sper Bernhard Russi e Franz Klammer, tar ils gronds atlets en il circus da skis. Oz festivescha Roland Collombin ses 66avel anniversari. Il 1975 ha sia carriera gì ina fin andetga cunquai ch'el aveva in stil fitg selvadi.

Roland Collombin tar la cuorsa da Wengen 1974.
Legenda da maletgs: Roland Collombin tar la cuorsa da Wengen 1974. Keystone

Ina medaglia d'argient als gieus olimpics 1972 a Sapporo ed otg victorias en la cuppa mundiala tutgan tar ils pli gronds success en la carriera dal skiunz Roland Collombin. Sia carriera che ha mo cuzzà quatter onns ha prendì ina fin abrupta l'onn 1975. Tar ina cursa a Val d'Isère ha Collombin gì in grev accident da skis che ha blessà sia crusch dal dies. Suenter ch'el è stà dus dis schirà ha il Vallesan stuì terminar sia carriera.

Oz in zic pli ruassaivel

Suenter sia carriera da skis è Roland Collombin turnà en ses vitg nativ. Suenter ina pitschna crisa ha el cumenzà a lavurar sco commerziant da bavrondas. Oz è il bab da famiglia hotelier e viticultur a Versegères.

Autur/a: Selina Chistell