Katy Perry: «Chained to the Rhythm»

Katy Perry e Skip Marley
Legenda da maletgs: Katy Perry e Skip Marley Keystone

Cun tut las novas variantas per tadlar e cumprar musica n'han ils musicists betg simpel. Perquai ston els adina puspè vegnir cun novas ideas. Uschia era Katy Perry cun sia nova single «Chained to the Rhythm». L'emprima giada presentà la chanzun al public ha ella ensemen cun il biadi da Bob Marley, Skip Marley durant ils Grammy Awards. Dentant gia avant ha ella fatg reclama. Per l'entir mund enturn ha ella repartì culas da disco. Cun quellas culas han ins savì colliar ils uregliers e gia tadlar la nova single. Cun curts videos ha ella via Twitter lura fatg attents ils fans sin quella tschertga dal stgazi. Quests videos pudais guardar qua sut.

Autur/a: Dominic Pohle