L'orchester instrumental da giuvenils dal Grischun ha savì festivar quest onn ses 25avel giubileum. A chaschun da quai eveniment han els passentà l'emna da champ en l'exteriur. Ils giuvenils èn sa rendids cun instruments e bagascha per in'emna a Schlanders, en il Tirol dal Sid.
Suenter in'emna intensiva sut la batgetta dal dirigent Roman Caprez èn els lura returnads en la patria cun in bel program da concert. Il concert che ha gì lieu l'entschatta avust a Cuira pudais vus tadlar oz en L'instrumentala.
Redacziun: Flavio Tuor
