Extraordinari bler per in vitget da strusch 300 abitants. Adina puspè aud'ins dad occurrenzas, da novitads positivas dals da Valendau. Ma tge fani lura a Valendau auter ch'en blers auters lieus? Nus avain visità durant dus dis il vitget ed emprendì d'enconuscher ina pluna indigens.
Savens avain nus inscuntrà las medemas persunas, dentant en autras funcziuns. Persunas engaschadas e persvasas da las qualitads da lur vitg. In vitg ch'ha gì durant plirs decennis insatge sco ina sien d'enviern pli lunga – in vitg ch'è dentant sa dasdà ed ha survegnì in svung tut apparti.
