«La schelta da la lingua n'è betg stada ina schelta cunter il rumantsch, quai es simplamain capità uschè. Jau nhai adina giu enorm gugent la lingua tudestga e na hai adina era scrit tudestg - ed n'hai pervia da quai dal rest era survegnì magari giu per la sdratscha da la vart rumantscha.» Duron in dialog electronic da bundant trais mais scriva Leta Semadeni sur da sias experientschas cun ses nov roman Tamangur. Ella reflectescha las reacziuns e tradescha la funtauna per ideas ed inspiraziuns: «Per mai sa sviluppan las chaussas intuitivamain, instinctivamain e pass per pass. Uschè ha era sa sviluppa Tamangur.?» En la marella sfegliain nus en il Tamangur e legain cun Leta Semadeni sia posta electronica: «Dacurt ha insatgi ditg suenter ina prelecziun: Tias poesias èn sco in dat da buglion. Quai para a mai in bel purtret. Cun scriver Tamangur na hai jau alura mess sezza in pau aua en la scadiola, mo igl è anc adina ina chaussa vaira concentrada.»
Redacziun: Chatrina Gaudenz
Posta electronica da Leta Semadeni
In dialog electronic da bundant trais mais.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter