La Marella fa in viadi tras il Vorarlberg per guardar tge ch'ins chatta tut en il grond Vorarlberg Museum a Bregenz, pertge che la tastga da sport pauc spectaculara da Radomir Petrovic è rivada en sia collecziun. Ella va a Hittisau, nua ch'i dat amez il Bregenzerwald in Frauenmuseum ch'expona il mument era in vatga da lain da la Lumnezia. Ed era sch'i na dat daditg pli nagina communitad gidieua a Hohenems è lur istorgia impurtanta per il lieu ch'aveva pli baud ina Christen- ed ina Judengasse. In'istorgia da concordia e discordia ch'è anc adina actuala e cun in ferm connex sur il Rain en Svizra.
Redacziun: Guadench Dazzi