Tenor in studi dal Forum d'economia dal Grischun è il turissem da sanadad il nov megatrend. E tge è lura insumma tut turissem da sanadad? Sch'in hotel porscha in grond spa, è quai er gia turissem da sanadad? Ubain sch'in turist rumpa ina chomma sin pista e sto ir en l'ospital? Ubain be sch'il Tudestg ritg va a Susch a sa revegnir dal burn-out?
La Marella dat in sguard sin il turissem da cura da Tavau e co quel è vegnì l'unfrenda d'in nov medicament da l'America. Lura raquinta il directur da sanadad dal Grischun, Christian Rathgeb, co el vesa il futur dal turissem da sanadad en il Grischun, co il Zauberberg 2.0 pudess vesair ora. E lura, vegnan anc ils sceptichers, quels, che vesan anc blera crappa en la via tar quest Zauberberg 2.0.