Minisguard dals 09.09.2017

30 uffants da Sagogn vulan participar ad in film

«Amur senza fin» ha num il film che vegn ora proxim onn. L’emprim film rumantsch da la SRG SSR dapi lung temp – e quai a Sagogn. Per quest film dovri radund 200 statists ed ina part da quels duessan esser uffants. Perquai hai dà in casting quest’emna a Sagogn cun radund 30 uffants che vulan daventar statists en quel film.

La Corea dal Nord smanatscha

La Corea dal Nord e ses regent Kim Jong-Un fa adina puspè problems. Quai oravant tut cun lur tests da rachetas e bumbas. Il Minisguard declera la situaziun, ils motivs e las consequenzas da quest cumportament.

Daniela Derungs