Minisguard dals 20.05.2017

La Via da Saida

Avant radund 2000 onns han caravanas cun martgadants cumenzà a far la via da Saida. Davent da la Mar Mediterrana fin en l’ost da l’Asia vegnivi fatg fatschentas. Ussa ha la China plans da puspè laschar reviver la Via da Saida.

Cuschinar sco pli baud

Tgi sa anc tge che tatsch u peschs maghers èn? Las scolaras ed ils scolars da la segunda superiura da Laax n'han betg mo emprendì d’enconuscher las tratgas ch’eran pli baud fitg derasadas. Els cuschinan era sezs ellas, e quai per giasts che vegnan a mangiar en il museum a Laax. Entant che las preparativas vegnan fatgas en cuschina da la scola, vegn lura la finala cuschinà sin platta da fieu avant il museum. In’ulteriura chaussa ch’è nova per las scolaras ed ils scolars.

Daniela Derungs