Gioni Coluccello – dal rebel tar il procuratur professiunal

Il pled «tschinc» ha el udì bler sco uffant , damai ch'el e ses quatter fragliuns eran ils emprims a Lumbrein cun in bab talian. Il giuven ha uschia emprendì fitg baud da sa dustar e rebellar.

In grev accident durant il militar ha dentant purtà ina vieuta en sia vita. Ord il tschentaplattas è daventà in pedagog social ed ord il pedagog social in procuratur professiunal. En il Profil raquinta il bab da duas figlias pitschnas tranter auter era da sias visiuns e sia passiun per il crap.