Da Lucerna a Memphis fin a Cologna

Paul Etterlin: in champiun a la gitarra

il gitarrist Paul Etterlin cun sia gitarra
Legenda da maletgs: En il studio da RTR RTR/d.hardegger

Paul Etterlin è magister da musica a la scol'auta da pedagogia a Lucerna però sia gronda passiun è sia lavur sco musicist e ghitarrist. El ha fatg 15 discs, è stà musicist da studio tar 1000 autras producziuns ed ha sunà tar bands sco «BündnerflAisch», ubain «Angelheart». Dad el vegn er la chanzun «The Time is Now» ch'è vegnida duvrada da l'equipa svizra per ils gieus olimpics dal 2010 a Vancouver. E l'emettur da sport tudestg SPORT1 ha fatg il 2013 ina gronda campagna cun la chanzun da Paul Etterlin «MITTENDRIN». Quell'experientscha cun la Germania ha animà da far in disc cun chanzuns tudestgas. «Mittendrin und tiefer» ha el registrà a Cologna cun musicists da studio internaziunals. Er anc d'udir: Bumshankar, Pablo Nouvelle e Frost & Fog.

Redacziun: Jachen Prevost

Laschar ir video «Paul Etterlin en il studio dal Radio Rumantsch»

Paul Etterlin en il studio dal Radio Rumantsch

3:29 min, dals 29.2.2016

Autur/a: RTR/jp