Melanie Albin Sopacua è naschida a Delfzijl en la provinza da Gronignen el nordost da l’Ollanda. Ses bab è oriund da las Moluccas, sia mamma è Austriaca.
Sco mattatscha ha Melanie vivì tschintg onns cun sia mamma en Norvegia. Ils onns d’adolescenza ha ella dentant puspè passentà en Ollanda.
A Trun è Melanie Albin arrivada cun 18 onns, lura cun l’intenziun da restar per in onn. L’emprim contact cun il rumantsch e cun ils indigens da Trun ha ella gì en il Cafe Tschut, nua che ella è sa sentida spert da chasa. A Trun è ella s’inamurada da Renzo Albin, ha emprendi rumantsch ed è restada. Melanie e Renzo han in figl - Cerano ha set onns.
Melanie Albin è ina dunna plain vita e cun blers interess. Actualmain frequenta ella la scola mercantila dal di a Glion. L’october cumenza ella a lavurar tar las pendicularas Sedrun sco responsabla per la «Tegia dil nurser» en il territori da skis. En ses temp liber dat la dunna da 32 onns tennis, instruescha «Zumba», tschertga gugent bulieus e suna la posauna tar las «Lieurs da Trun». En il mais da settember ans preschenta Melanie Albin Sopacua la cuschina da la Indonesia e dal Surinam.
RR Tips trics e tacs 10:15