Menziunà vegn il bogn Tenigia gia l'onn 1580. Propi nizzegià turisticamain vegn il bogn dentant pir davent l'onn 1886. Dal 1908 fin il 1911 vegn bajegià il tract dal hotel sco el è anc oz.
La davosa gronda renovaziun ed engrondiment è vegnì fatg l'entschatta dals onns 1970 dal investider tudestg Ernst Ludwig Schulz. Schulz è mort questa primavaira en la vegliadetgna dad 88 onns.
Il nov temp per il bogn Tenigia ha cuzzà be trais onns, dal 1974 fin 1976. Suenter n'è il bogn mai pli vegnì averts.
Beni Cathomas è stà il davos guarda bogn dal bogn Tenigia ed el raquinta da sias aventuras sco giuvenil en il bogn Tenigia.
