Siglir tar il cuntegn

Header

audio
Natalie Cavelti e Thomas Leppkes en lur tratga da cunigls a Cunter.
RTR, Federico Belotti
laschar ir. Durada: 2 minutas 58 Secundas.
cuntegn

«Paradis da canigns» a Cunter vegn engrondì

Dapi l'onn 2015 datti a Cunter ina tratga da cunigls. Or da quels vegnan fatgs differents products da charn. En l'avegnir vegni a dar ina segunda stalla ed augmentà il dumber da cunigls da 150 sin 350.

Sco quai che la possessura dal «Paradis da canigns» Natalie Cavelti ha ditg, stoppian els actualmain cumprar vitiers cunigls, per pudair elavurar radund 80 cunigls al mais. Quels vegnan duvrads per ils differents products da charn sco fratem, liongias e spezialitads per chauns.

Segunda stalla duai schliar il problem
Cun ina segunda stalla che vegnia drizzada en, possian ins tegnair avunda cunigls per satisfar a la dumonda fitg gronda. Natalie Cavelti lavura en la mazlaria Spiess a Lai sco mazlera, nua ch'ella po elavurar sezza ses products. Ella maina il «Paradis da canigns» ensemen cun ses ami Thomas Leppkes, ch'è medemamain mazler e che sa deditgescha sulettamain a la tratga da cunigls.

Dapli da «Total local»

Scrollar a sanestra Scrollar a dretga