Siglir tar il cuntegn

Header

audio
Creative Box a Puntraschigna.
RTR, Violanta Rominger
laschar ir. Durada: 4 minutas 17 Secundas.
cuntegn

Puntraschigna: Nua la creativitad n'ha betg cunfins

La «Creative Box» a Puntraschigna è in atelier avert per in e mintg'in, creativ ni main.

Ins stoppia savair nagut per visitar la Creative Box, ins possia era simplamain vegnir cun ina collega per in prosecco ed in snack e forsa sa laschar inspirar dal lieu, d'autras persunas. Quai è l'idea da Bettina Plattner, che ha inizià l'atelier.

Cun l'avertura da la Creative Box è s'accumplì in siemi da l'hoteliera Bettina Plattner. L'idea da l'atelier ha ella gia dapi radund 10 onns, ussa era dentant il gist mument per realisar el. Ella haja investì bler temp, energia ed in pèr milli francs. Per ina buna chaussa di ella. Ina nova offerta per la regiun d'Engiadin'Ota, in lieu d'inscunter per giast ed indigen. In lieu per esser creativ en tge maniera adina.

Nagin gudogn
La box è averta mintga suentermezdi da mesemna fin sonda. Ins paja mo per quai ch'ins consumescha e per il material ch'ins dovra. Il lieu sco tal stat a disposiziun gratuit. Uschè ch'ella vegn a gudagnar nagut vi da la Creative Box, di Bettina Plattner. En il meglier cas van expensas ed entradas gist si.

Dapli da «Total local»

Scrollar a sanestra Scrollar a dretga