Avais vis ina bova, in accident, in incendi u insatge auter ch’è fitg spectacular? Lura filmai u faschai ina fotografia ed ans tramettai quellas a nus sin l’adressa voss-sguard@rtr.ch. Inditgai da tge ch’i sa tracta e voss numer da telefon. Tut tenor è voss filmin u vossa fotografia da vesair en l’internet u schizunt a la televisiun.

 

Resguardai ch’i dat ina limita tar la grondezza dals e-mails. Vul dir l’e-mail na dastga betg esser pli grond che 10 MB. Quai èn per ordinari filmins da 90 secundas u 3-5 fotografias. Vus retschavais ina conferma automatica sche l’e-mail è arrivà tar nus. Cas cuntrari n’ha insatge betg funcziunà.

 

Avant che trametter a nus in e-mail cun fotos u videos faschai il bun e legì las cundiziuns generalas. Cun trametter l’e-mail confermais vus che vus essas d’accord cun las cundiziuns qua sut.

 

Cundiziuns generalas

Dretgs d’utilisaziun

  • La persuna che trametta videos/maletgs transferescha explicitamain il dretg a RTR da far diever da quels, senza intginas restricziuns.
  • La persuna che trametta videos/maletgs permetta explicitamain al public da RTR da guardar e/u tadlar quels sin ils vecturs dal program da RTR.
  • Ils videos/maletgs pon vegnir integrads sco link sin paginas d’internet che n’appartegnan betg a RTR.

 

Responsabladads

  • La persuna che trametta videos/maletgs garantescha ch’ella ha il dretg da trametter quels, e ch’ella dispona dal consentiment da tut las persunas renconuschiblas en il video/maletg.
  • La persuna che trametta videos/maletgs liberescha RTR da tut regress, dispita giuridica, u dumonda d'indemnisaziun, ch’ina terza persuna pudess instradar u far valair en consequenza da la publicaziun dad in video/maletg sin ils vecturs dal program da RTR.

 

Indemnisaziun

  •  Indemnisaziuns u remuneraziuns n’èn betg previsas per la transmissiun da videos/maletgs.

 

Cuntegn

  • La persuna che trametta videos/maletgs declera ch’il cuntegn da quests documents na cuntrafa betg al dretg svizzer vertent e na violescha betg l’integritad da terzas persunas.
  • Ils videos/maletgs na pon betg servir sco reclama.

 

Moderaziun

  • RTR ha il dretg da decider sche gea u na, ina part u la totalitad, cura, ed in tge furma publicistica in video/maletg vegn duvrà en ses vecturs dal program.
  • Tut ils videos/maletgs cun cuntegn offendent, disfamond, indecent, pornografic, disturbond, u rassistic na vegnan betg emess.