Divertiment
Gieus al radio
La tensiun crescha mintgamai ch'ils jackpots dals gieus al Radio Rumantsch èn gronds. Saja quai tar il gieu kikeri6 nua ch'i dat bleras lottarias da Swisslos da gudagnar u tar il gieu tge chaussas nua ch'ins po gudagnar enfin milli francs. Tar il gieu verd per semper pon ils amaturs da musica gudagnar cun la dretga resposta in bon per in disc cumpact.
Radio Rumantsch - gieu: kikeri6
-
- Zoom
- Gieu kikeri6 (RTR)
Glindesdi fin sonda da las 7.40
Vus stuais respunder correctamain mintgadi entaifer 60 secundas 6 pretensiuns che han in connex cun l’actualitad. Vus avais be da respunder cun gea u na a quellas dumondas che vegnan tschentadas. Sche vus cuntanschais 6 respostas correctas, pudais vus sa participar il proxim di. Mintgadi datti da gudagnar 6 lottarias. Sche vus na vegnis betg da respunder correct 6 dumondas, alura crudais vus or dal gieu e tut las 6 lottarias da quai di van en il jackpot. Il jackpot vegn rumì dal/da la candidat/a che respunda correctamain 6 dumondas e quai 4 dis en fila.
Radio Rumantsch - gieu: tge chaussas
-
- Zoom
- Gieu tge chaussas (RTR)
Glindesdi fin sonda da las 9.45
Sin fundament da 3 chavazzins stuais vus engiavinar "tge chaussa" che nus tschertgain. Mintga di vegnan resguardads 5 telefons cun propostas. Sche nagin sa la resposta correcta van ils CHF 10 en il jackpot ed il di suenter datti ils medems chavazzins. Uschia vegn cuntinuà ed il jackpot cun daners crescha fin ch'insatgi sa la dretga resposta.
Radio Rumantsch - gieu: verd per semper
-
- Zoom
- Gieu verd per semper (RTR)
Mintga di da las 16.15-17.00
Blau blüht der Enzian da Heino, il Kiosk da Polo Hofer u er Deep Purple e lur chanzun Smoke on the Water. Quellas chanzuns han tuttas marcà l'istorgia da la musica populara moderna, igl è chanzuns che restan "verdas per semper", u per englais evergreens. Il Radio Rumantsch preschenta mintga di da las 16.15 fin las 17.00 in pèr da quels semperverds. Supplementarmain datti en quella mes'ura er la pussaivladad da gudagnar in bon per ina CD. Gudagnar gudogna quel u quella che engiavina tge verd per semper che nus tschertgain.
