Radio Rumantsch - gieu: kikeri6

Glindesdi fin sonda da las 7.40

Vus stuais respunder correctamain entaifer 60 secundas
• l’emprim di 6
• il segund di 7
• il terz di 8 ed il
• quart di 9 pretensiuns.
Vus stuais be respunder cun “gea” u “na”. Sche vus respundais correctamain 6 ,7, 8, 9 u dapli pretensiuns, alura gudagnais vus per mintga resposta correcta ina lottaria ed avais la pussaivladad da participar era il proxim di. Sche vus avais be 5, 6, 7, 8 u damain respostas correctas, alura van mintgamai 6 lottarias en il jackpot e vus na pudais betg participar il proxim di al kikeri6. Las lottarias dals dis avant pudais vus tegnair. Il jackpot vegn rumì da quella persuna che respunda correctamain durant quatter dis en roda mintgamai il dumber da dumondas respectivas.

Persunas che gudognan il jackpot na pon durant in mais betg pli participar al kikeri6.
 

Radio Rumantsch - gieu: tge chaussas

Glindesdi fin venderdi da las 9.45 e sonda e dumengia da las 10.45

Sin fundament da 3 chavazzins stuais vus engiavinar "tge chaussa" che nus tschertgain. Mintga di vegnan resguardads 5 telefons cun propostas. Sche nagin sa la resposta correcta van ils CHF 10 en il jackpot ed il di suenter datti ils medems chavazzins. Uschia vegn cuntinuà ed il jackpot cun daners crescha fin ch'insatgi sa la dretga resposta.
 

Radio Rumantsch - gieu: verd per semper

Mintga di da las 16.03-17.00

Blau blüht der Enzian da Heino, il Kiosk da Polo Hofer u er Deep Purple e lur chanzun Smoke on the Water. Quellas chanzuns han tuttas marcà l'istorgia da la musica populara moderna, igl è chanzuns che restan "verdas per semper", u per englais evergreens. Il Radio Rumantsch preschenta mintga di da las 16.03 fin las 17.00 in pèr da quels semperverds. Supplementarmain datti er la pussaivladad da gudagnar in bon per ina CD. Gudagnar gudogna quel u quella che engiavina tge verd per semper che nus tschertgain.