La festa da chant chantunala dal Grischun ha gì lieu ils 9 e 10 da zercladur 2012 a Trun e ha dastgà beneventar 86 chors cun passa 3000 chantaduras e chantadurs. Tranter las numerusas furmaziuns grischunas sa chattavan era 16 chors dad auters chantuns. Durant 2 dis han chantà a Trun chors maschadads, chors d'uffants e giuvenils, chors da dunnas e chors virils. La festa da chant è stada ina festa populara: ina festa per giuven e vegl.
Bilantscha positiva per dus dis plain chant e buna luna
-
- Zoom
- Impressiun da la festa da chant chantunala a Trun (RTR, L. Livers)
Suenter dus dis d'aura variabla va la festa da chant chantunala a Trun a fin. 86 chors cun 3'000 chantaduras e chantadurs da tut las regiuns dal Grischun han chantà per puncts e predicats.La festa da chant chantunala a Trun saja stada in success. Il president da l'uniun da chant chantunala dal Grischun Retus Giger ha fatg bilantscha positiva. Ils differents concerts da gala sajan adina stads occupads plain e per part n'haja quai gnanc gì plaz avunda per tut ils giasts.
Insatgs da la festa da chant
Chant è oravant tut insatge per las ureglias ma mirveglias han ins magari era tgi che chanta e co quai vesa ora. Intginas chanzuns ch’èn vegnidas chantadas durant la festa da chant èn vegnidas filmadas. Quellas pudais vus guardar qua.
Chor mischedau Sevgein
Dirigenta: Flavia WalderHublard
Chanzun: Il sain da not
Musica: R. Cantieni
Text: G.G. Cloetta
Chor cecilan Trun, Chor mischedau Surrein, Ensemble DeCanto
Dirigent: Retus Giger
Chanzun: Sco fiug sesaulza il sulegl
Musica: Carli Scherrer
Text: Gion Martin Pelican
Chor viril Lumnezia
Dirigent: Clau Scherrer
Chanzun: Shchedrik (chanzun populara da l'Ucraina)
Cor masdà Scuol
Dirigenta: Gergana Lambreva
Chanzun: Stà
Musica: Gion Antoni Derungs
Text: Tista Murk
Chor viril Laax
Dirigent: Umberto Camathias
Chanzun: Cantate Domino
Musica: Jurijus Kalcas
Text: psalm 98
Chor mischedau Rueun
Dirigent: Gion Tschuor
Chanzun: Vater unser
Musica: Christian Heinrich Rinck
Text: tenor Mattiu 6,9-13a
Chor da giuvenils Surselva
Dirigenta: Rilana Cadruvi
Chanzun: Le problème
Musica e text: Ivo Antognini
La Televisiun Rumantscha ha rapportà sonda, ils 09-06-2012 davart l'emprim di da festa live da Trun e purtà dumengià, ils 10-06-2012 impressiuns da la festa. dapli Cuntrasts: Sonda e dumengia cun Otmar Seiler tras la festa
Radiotelevisiun Svizra Rumantscha ha registrà differentas producziuns, ils quatter concerts da gala e la messa festiva. Impressiuns da la festa, discurs cun chantadurAs e chanzuns da patg.
dapli Artgs musicals: Concerts da gala e chanzuns da patg
La chanzun
-
- Zoom
- Uffants a la festa da chant. (RTR)
La festa da chant chantunala a Trun è in dals gronds eveniments culturals da quest onn. Il magazin da cultura è perquai a Trun e discurra cun Iso Albin e Jachen Janett, dus profunds enconuschiders da la cultura da chant, omadus dirigents, omadus chantadurs passiunads. Pertge vegn ozendi strusch pli chantà chanzuns popularas? Tge influenza ha la cultura da chors sin quest fatg? Tge influenza ha la cultura da rock e pop sin ils chors tradiziunals?
S'annunziads èn 86 chors; tranter quels 11 chors d'uffants, 2 chors da dunnas e 30 chors virils. Survista dals chors che sa preschentan a la festa da chant chantunala a Trun. dapli Ils 86 chors annunziads e las chanzuns cuminaivlas
Avant la festa da chant chantunala a Trun ha Radiotelevisiun Svizra Rumantscha gia realisà singulas emssiuns. Quai davart il reglament, las annunzias sco era davart l'infrastructura per la festa. dapli Emissiuns avant la festa da chant chantunala
(cl)
