Dossiers
In onn cun Clau Scherrer e cantus firmus surselva
Film en trais (t)acts da Gieri Venzin
Cun fundar cantus firmus surselva realisescha Clau Scherrer ses siemi da far musica cun chantadurAs rumantschAs. «Jeu audel biaras vuschs e lessel far ord quellas ina vusch.» Quai di il giuven musicist da Trun durant l’emprim exercizi da chant l’onn 1999. Sper ovras fitg enconuschentas chanta cantus firmus surselva bischus nunenconuschents, primaudiziuns, chanzuns rumantschas, tudestgas, franzosas, latinas... ed il giuven chor persvada pli e pli. Cun cantus firmus surselva vegn in nov tun en il chant rumantsch, in tun unic, in tun che Clau Scherrer udiss, sco el di sez, or da milli chors. Co mussa Clau Scherrer da chantar? Tge dat il chantar? E co fiss ina vita senza chant? A la tschertga da respostas avain nus visità durant in onn emprovas, concerts ed il mintgadi da chantadurAs e lur dirigent.
Il credo da Clau Scherrer
"O schei vus caras steilas" - ina stad cun cantus firmus surselva
En ils films dals Cuntrasts pon ins guardar mo ina part da las registraziuns fatgas. Qua sut datti anc bler material supplementar, sco per exempel l'entira messa en c-mol da Mozart, intervistas cun chantaduras e chantadurs, sco era cun il dirigent dal chor cantus firmus surselva, Clau Scherrer. Mo vus pudais era guardar pertge ch'in dals concerts fiss prest dà en l'aua.
Preludi - in film interactiv
L’enconuschent reschissur Alfred Hitchcock ha gì ditg ina giada: en il film documentar è Dieu il reschissur. En in film fictiv è reschissur Dieu. En in film interactiv n'è ni in ni l’auter il reschissur... dapli Preludi - in film interactiv
Intermezzo
Pertge impundan chantaduras e chantadurs mais e mais prest lur entir temp liber per chantar en il chor cantus firmus surselva? Tge dat il chantar ad els? E co fiss ina vita senza il chant? 15 chantaduras e chantadurs respundan talas dumondas e... dapli Intermezzo
La messa en c-mol da Wolfgang Amadeus Mozart
Ils 20 da november 2011 ha il chor cantus firmus surselva preschentà la messa ensemen cun la Kammerphilharmonie Graubünden en la baselgia da S. Martin a Trun la messa da en c-mol da Mozart. dapli La messa en c-mol da Wolfgang Amadeus Mozart
