Roger Alig en discurs cun sportists da la Surselva
RTR 

RTR a l'ILHGA a Glion

<>Dals 12 enfin ils 15 d'october è Radio e Televisiun Rumantscha stà a l'ILHGA

Per quatter dis è il studio da Radio e Televisiun Rumantscha (RTR) stà en halla 1 da l'ILHGA a Glion. Enconuschentas vuschs e fatschas da RTR han mussà dapli da l'exposiziun e dapli dal mund da radio e televisiun: intervistas, analisas ed expertisas per tadlar e guardar, concert sin giavisch, gieus e concurrenzas per sa participar e gudagnar. U simplamein entupar e tschantschar.

Discussiun "La regiun da sport Surselva - be ensemen essan nus ferms"

Discussiun da podi a l&#039;ILHGA
RTR 

Las uniuns sportivas da la Surselva han da sbatter cun problems. Las giuvnas ed ils giuvens bandunan la val. Las uniuns han pli e pli pauc commembers. Chattar trenaders e funcziunaris è pli e pli grev e daners n'han las uniuns sportivas era betg en abundanza. Tge far? Collavurar sur ils cunfins da l'atgna vischnanca pudess esser ina pussaivladad.

Roger Alig da la redacziun da sport dal Radio Rumantsch discuta cun represchentants da trais uniuns sportivas che portan il term Surselva en lur num, lavuran pia regiunal.
Ils partenaris da la discussiun èn:
- Mario Cavigelli, president dal Surselva Ski e Snowboard Team (SST)
- Ignaz Arpagaus, trenader Club da velo Surselva
- Gion Giacun Spescha, bab da 2 uffants che fan cursas da velo
- Giachen Cagienard, coordinatur D-Team da ballape da la Surselva

La discussiun ha gì lieu, ils 14-10-2006 al stan dal Radio Rumantsch a l'ILHGA a Glion.