Er questa stad èn Radio e Televisiun Rumantscha stads sin viadi. Il Telesguard da la Televisiun Rumantscha è puspè stà da piz a chantun. Mintg’emna èsi vegni rapportà d'ina autra regiun grischuna. La squadra dal da piz a chantun è alura restada mintgamai quatter dis en la regiun per retschertgar e rapportar. En il center èn per ina giada stads ils inscunters locals e las istorgias che vegnan uschiglio a la curta en il Telesguard. Dal meglier plain in pigna dal vitg e la maisa radunda en la Crusch Alva sur ils geranis ils pli cotschens e las carottas las pli grondas fin a detgas e mitus, bels lieus e tips secrets. Simplamain tut quai ch’occupa en il mintgadi.

Durant la stad ha era la discussiun dal Radio Rumantsch bandunà il studio ed è ì sin viadi - da piz a chantun tras il Grischun. Mintga sonda ha la redacziun visità la medema regiun sco il "Telesguard da piz a chantun".