La resgia gronda a Domat vegn demontada. Uss èsi definitiv. L’interpresa tudestga Klausner Holz Thürigen GmbH ha gudagnà l’ingiant per la resgia gronda a Domat. Ella ha purschì passà 20 milliuns francs. Entaifer 6 mais vegn la resgia demontada e vegn reconstruida en l’exteriur.
La Klausner Holz Thüringen è ina da las grondas resgias da l’Europa. Ella è vegnida fundada l’onn 1991. La Klaus Holz Thüringer producescha cunzunt laina da tagl per l’industria da bajegiar e per l’industria d’emballadis. Ils products vegnan pil pli exportads. Quai surtut en ils Stadis Unids, l'Orient Extrem, la Gronda Britannia e l’Ollanda.
La firma Egger n’aveva betg pudì garantir la furniziun da laina radunda d’ordaifer il chantun Grischun. Quella fiss stada necessaria per manar vinavant la resgia. En tut avess Egger duvrà 300’000 meters cubic laina. Il temp per pudair organisar quella saja stà memia curt, uschia Egger.
La cronologia da la resgia gronda a Domat
En la sessiun d'enviern aveva il cussegl grond refusà cun 59 cunter 57 vuschs il credit da 6,75 milliuns francs per ina fabrica da pellets a Domat. Da l'autra vart aveva il cussegl grond approvà il credit da 7,5 milliuns francs per l'emprima transcha per ils contracts a lunga vista per promover l'economia forestala en il Grischun; quai cun 57 cunter 55 vuschs.
Cunquai ha il pachet da spendrament che la regenza grischuna ha contractà ed annunzià fin 39 milliuns francs fatg naufragi. In pachet che n'ha betg spartì mo il cussegl grond, mabain era las partidas.
La resgia gronda a Domat è ida concurs. Quai aveva Josef Dringel, il directur da la holding Mayr-Melnhof communitgà. En la conferenza da medias era vegnì communitgà ch’i na saja betg stà pussaivel da chattar in ulteriur partenari per la finanziaziun da l’ovra da pellets. Quai malgrà ch’ins fiss stà pront d’accumpagnar en il management in eventual possessur nov durant l’emprim temp.
La grond’illusiun
Ils 15 da december 2010 è stà in di nair per l’economia forestala grischuna. La resgia gronda a Domat, la Mayr-Melnhof Swiss Timber, ha annunzià concurs. Per salvar la resgia avessi duvrà 170 milliuns francs. Il cussegl grond n’ha betg vulì pajar sia contribuziun da 40 milliuns francs. Uschia stattan dapi quatter mais quietas tut las maschinas. Passa 120 persunas han pers lur plazza. Il film “la grond’illusiun” da Ruedi Bruderer raquinta e reflectescha l’istorgia dal pli grond falliment en l’economia grischuna.
Novitads en connex cun la resgia gronda da Domat
-
La vischnanca da Domat pretenda puspè tschains per il dretg da bajegiar sin l'areal da l'anteriura resgia gronda a Domat, quai ha confermà la presidenta da vischnanca Beatrice Baselgia al Radio Rumantsch.
dapli Domat pretenda puspè tschains per dretg da bajegiar sin l'areal
-
Per la HOMAKO, la Holzmarktkomission Grischun, resta ina reavertura da la resgia gronda a Domat vinavant realistica.
dapli Reavertura da la resgia gronda resta realistica
-
La Klausner Holz Thüringen GmbH sto bajegiar giu ils indrizs sin l’areal da la resgia gronda a Domat. Las maschinas che la firma tudestga aveva ingiantà l’onn passà suenter il concurs da la Mayr-Melnhof Swiss Timber per 20 milliuns francs ston pia...
dapli Pfeifer e Klausner na vegnan betg perina
-
La Klausner Holz Thüringen GmbH sto demontar tut ils indrizs sin l'areal da l’anteriura resgia gronda a Domat enfin la fin da quest onn. La dretgira chantunala conferma la decisiun da l'uffizi da concurs Plaun.
dapli Klausner sto demontar indrizs fin la fin dal 2012
-
Moviment enturn la resgia gronda a Domat. La vischnanca da Domat ha publitgà quels dis ina dumonda da bajegiar per la resgia gronda en il figl uffizial.
dapli Domat: Dumonda da demontar resgia gronda
-
La gruppa tirolaisa Pfeifer ha ingiantà oz ils dretgs da bajegiar per l'areal da la resgia gronda a Domat. Sco cumpradra è sa preschentada la "Holzindustrie Pfeifer AG" cun sedia a Zug.
dapli Resgia Domat: I duai puspè vegnir resgià
-
L’uniun Grischuna per l’economia forestala, la Selva ponderescha co puder nizzegiar en il futur ina part da l’areal da l’anteriura resgia gronda a Domat per l’elavuraziun da laina.
dapli Domat: Selva ponderescha co nizzegiar l’areal da la resgia gronda
-
Il fegl uffizial ha publitgà oz las cundiziuns per l'ingiant dal dretg da construcziun sin l'areal da la resgia a Domat: in dretg che la Mayr-Melnhof aveva fin ussa. Prender part a l’ingiant po mintg’in ch’ha avunda daners.
300’000 francs è il...
dapli Resgia Domat: Cundiziuns per l'ingiant dal dretg da fabrica èn publitgadas
-
La Klausner Holz Thüringen GmbH ha pajà ier er ils ultims 11,5 milliuns francs per la resgia gronda a Domat. Quai inclusiv ils 5 pertschient tschains da retard, communitgescha l'uffizi da concurs dal circul Plaun.
L’administratura dal concurs...
dapli Klausner Holz: pajà milliuns restants per resgia da Domat
-
La nova possessura da la resgia gronda a Domat, la Klausner Holz, n’ha anc betg pajà l’entira summa dal pretsch da cumpra.
dapli Domat: Varga 11 milliuns francs mancan anc
-
La regenza grischuna e la vischnanca da Domat analiseschan communablamain la situaziun suenter la fin da la resgia gronda. Bleras dumondas sajan anc avertas. Cler saja enfin uss mo, che l'areal a Domat dastgia vegnir nizzegià mo per elavurar...
dapli Domat: Areal da la resgia vegn analisà
-
La resgia a Domat è vendida, vegn demontada e transportada en Germania. Per ils possessurs da guaud da la Surselva munta quai ch’i na pon betg pli furnir lur laina a Domat.
dapli Consequenzas per possessurs da guaud
-
La resgia gronda a Domat vegn demontada e transportada en l’exteriur. Mo tge schabegia uss cun il terren? Fissi pussaivel ch’ina firma nova vegniss en questa regiun?
dapli Terren a Domat fiss attractiv per firmas
-
La resgia gronda a Domat è istorgia. La firma “Klausner Holz da Thüringen en Germania” paja var 20 milliuns francs per tut ils indrizs ch'ella vegn a demontar ils proxims 6 mais.
dapli Trair a niz il schlantsch da l’economia forestala
-
L’interpresa tudestga Klausner Holz Thüringen GmbH ha gudagnà l’ingiant per la resgia gronda a Domat. Ella porscha 20,05 milliuns francs. Quella duai vegnir demontada entaifer 6 mais ed alura puspè vegnir reconstruida en l’exteriur.
dapli La resgia gronda a Domat vegn demontada
-
Anc n’haja il concern austriac EGGER survegnì nagin agid finanzial dal chantun. Ins haja bain discurrì davart in sustegn finanzial. Suttascrit saja dentant anc nagut. Uschia il cusseglier guvernativ Mario Cavigelli.
dapli Anc nagin agid finanzial per concern EGGER
-
La resgia gronda a Domat pudess gia prest ir en ils mauns dal concern austriac EGGER e ses nov partenari en Svizra, la Erdgas Turitg. Ils contracts sajan pronts per suttascriver. Quai conferma il cusseglier guvernativ Mario Cavigelli.
Il...
dapli Cumbat per la resgia gronda a Domat
-
Dapi oz èsi cler, tgi che duai esser il partenari da la firma da laina austriaca Egger. La firma che vul cumprar la resgia gronda da Domat.
dapli Erdgas Zürich duai esser partenari dad Egger
-
I dat in radi da speranza per la resgia gronda a Domat. La firma Egger po probabel far tut ils contracts cun las vischnancas dal Grischun. Enfin l’entschatta da l’autr’emna vegnian els ensemen cun 120’000-130'000 meters cubic.
dapli Radi da speranza per la resgia da Domat
-
Il chantun Grischun n'è betg pront da subvenziunar il transport da laina per la resgia gronda a Domat. Las regiuns da l'Engiadina Bassa e da la Val Müstair avevan numnadamain pretendì quai.
dapli Naginas subvenziuns per il transport da laina
-
Anc avant las vacanzas da stad vegni fatg ingiant cun la resgia gronda a Domat. Il chantun favurisescha la firma austriaca Egger. Lezza vul dentant emprim savair sch’ella survegn avunda laina per cumpar per pudair manar vinavant la resgia.
dapli A la tschertga da laina per la resgia a Domat
-
Las vischnancas dal Grischun vegnan dumandadas da furnir laina per gidar che la resgia a Domat po restar. Ils responsabels dals guauds da las vischnancas d’Engiadina Bassa vulan furnir 3500 fin 4000 cubics laina, sche il chantun gida a reglar il...
dapli L'Engiadina furnescha laina - cun cundiziuns
-
Il Partenz vul furnir almain 15'000 meters cubic laina a la resgia gronda a Domat. A chaschun da la radunanza ha l'organisaziun da commerzialisar laina, PLD Forst GmbH, decidì da suttascriver ils contracts a lung temp per segirar ina cuntinuaziun...
dapli Laina dal Partenz per resgia a Domat
-
Per l'industria da laina Schweighofer n'è la Svizra betg interessanta. Quai respunda l'interpresa austriaca al Radio Rumantsch. La firma saja engaschada en pajais en l'Europa Orientala ed investeschia là lur daners.
dapli Svizra n’è betg interessanta per Schweighofer
-
La gruppa tirolaisa EGGER ha surpiglià la firma Gagarin, in grond fabritgant da plattas cumprimidas da la Russia.
dapli EGGER surpiglia Gagarin
-
Holzindustrie Schweighofer è l’interpresa cun la pli auta offerta per l’anteriura resgia gronda da Domat. Quai mussan retschertgas dal Radio Rumantsch, confirmadas da pliras funtaunas, che na vulan betg vegnir numnadas.
dapli Resgia Domat: Schweighofer offrescha il pli bler
-
17,13 milliuns francs per la resgia gronda a Domat. Quai è l’offerta d’in grond concern austriac. Quel na vul dentant betg manar vinavant il manaschi en il Grischun, mabain demontar la resgia e reconstruir ella insanua auter.
Quai ha la giunta...
dapli A la tschertga d’offertas pli autas per la resgia gronda
-
Avant che cumprar e manar vinavant la resgia a Domat vul il concern internaziunal Egger ina garanzia dal chantun ch’el survegnia avunda laina. Quella garanzia po il chantun Grischun pli probabel dar. Quai tenor il cusseglier guvernativ Mario...
dapli Nov interessent per la resgia gronda da Domat
-
Il cusseglier guvernativ Mario Cavigelli envida venderdis da mezdi las medias ad ina conferenza a Domat. El vul infurmar, tge che schabegia cun la resgia gronda a Domat.
dapli Futur da la resgia gronda a Domat segirà?
-
Encunter il plan da collocaziun per reglar il concurs da la resgia gronda a Domat datti dus recurs. Quai ha Beat Caluori da l'uffizi da concurs Plaun confermà al Radio Rumantsch.
dapli Recurs cunter plan da collocaziun da la resgia a Domat
