Dispita per in segund uvestg a Cuira

En la dispita per in segund uvestg auxiliar en l'uvestgieu da Cuira, tschertga la baselgia chantunala dal Grischun il discurs cun l'uvestg Vitus Huonder.

La baselgia reagescha uschia sin ina brev averta nua che Huonder aveva crititgà las baselgias chantunalas. Per numerusas persunas valia la reputaziun dad auters pli pauc che las atgnas finamiras da la baselgia, aveva Huonder ditg la fin d'emna. Vitus Huonder stat vinavant davos ses candidat sco segund uvestg auxiliar Martin Grichting che vegn crititgà da las baselgias chantunalas. (pb)