Anc nagins tarpuns d’ieli

Zoom

Golf dal Mexico (SF) 

Suenter l'explosiun d'ina plattafurma da sondar ieli en il Golf dal Mexico ha il fieu pudì vegnì stizzà. Sco quai che la guarda da la costa dals Stadis Unids da l'America communitgescha, na haja ins, cuntrari ad emprims rapports, anc betg chattà tarpuns d’ieli en la vischinanza da la plattafurma. La fora duaja puspè vegnida serrada. La plattafurma è var 320 kilometers en il vest da la plattafurma “Deepwater Horizon” ch’è explodida l’avrel e che ha chaschunà la pli gronda catastrofa d’ieli en l’istorgia. (sb)