Actual
Gecaj è vegnì extradì
-
- Zoom
- Gecaj. (Keystone)
Ded Gecaj, l'um dal Cosovo che ha mazzà avant indesch onns il scolast da sia figlia a Son Gagl, è vegnì extradì oz a la Svizra. El è vegnì surdà a la procura publica da Son Gagl. Quai communitgescha l'uffizi federal per giustia.
Gecaj era vegnì arrestà ils 17 da matg en il Cosovo e mess en arrest d'extradiziun. Las autoritads svizras avevan signalisà immediat ch'ellas veglian anc adina che Gecaj vegnia extradì. Per motivs formals ha la Svizra dentant stuì tschentar anc ina giada la dumonda d'extradiziun. (bu)
