Actual
Plans per parc da vent a Lumbrein
-
- Zoom
- Rodas da vent (Reuters)
A Lumbrein ha la fatschenta “Altaventa” preschentà oz ils plans per in parc cun cundrizs per producir electricitad cun vent. In parc cun fin 40 rodas da vent dad 1,5 megawatt saja pussaivel ha ditg Andy Imfeld, il mainafatschenta da l’“Altaventa”.
Ina roda da vent è circa 60 meters auta ed ha alas fin 50 meters lungas. In tal indriz custass passa 4 milliuns francs. Avant che installar l’emprim indriz, duai vegnir installà ina tur da 60 meters a Lumbrein per mesirar durant in onn la fermezza dal vent. Tenor Imfeld èsi realistic che l’emprim indriz per producir electricitad cun vent vegn installà en 5 onns. En l’entira Svizra datti fin oz mo 17 indrizs per producir electricitad cun vent. (bu)
