Actual 

4.3 milliuns pernottaziuns da hotel en il fanadur

  • 03-09-2010, 10.34
Zoom
Chombra da hotel. (RTR) 

Il turissem svizzer sa revegn vinavant. Il mais fanadur ha la hotellaria dumbrà 4.3 milliuns pernottaziuns. Quai èn 5.3% dapli ch'il fanadur dal 2009. Giasts da l'exteriur hai dà 6.9% dapli, indigens 3.1% dapli.

Cunzunt per ils giasts da l'Asia ha la Svizra anc adina sia calamitad. Sco l'uffizi federal per statistica communitgescha è il dumber da las pernottaziuns dals giasts asiats s'augmentà per 30% ubain per 112'000. Da la China e da Hongkong è perfin vegnì registrà in augment da pernottaziuns da 92%. En il Grischun han ins dumbrà il fanadur 700'000 pernottaziuns en hotels, quai ch'è in augment da 3% cumpareglià cun il fanadur dal 2009. (bu)