Actual
Emprims gieus da qualificaziun EURO 2012
-
- Zoom
- Ils chalzers dal giugader spagnol Villa a Vaduz (Reuters)
Oz venderdi èn ils emprims gieus da qualificaziun per l'EURO 2012 en l'Ucraina ed en la Pologna. Era en la gruppa dals svizzers, la gruppa G, datti oz dus gieus. Il Montenegro dat encunter il Wales. Ed il proxim adversari da la Svizra, l’Engalterra, dat a Londra en il Wembley encunter la Bulgaria.
Il trenader naziunal englais Fabio Capello ha divers giugaders impurtants ch'èn blessads. Uschia mancan John Terry, Frank Lampard, Peter Crouch e Rio Ferdinand. En acziun èn oz era ils franzos. Per l’emprima giada dapi il campiunadi mundial desastrus, dattan "les Bleus" a chasa. L'equipa cun il nov trenader Laurent Blanc dat a Paris encunter la Bielorussia. Era l'Italia vul far emblidar il campiunadi mundial en l'Africa dal sid. Ed era ils talians fan quai cun in nov trenader, cun Cesare Prandelli. La squadra azzurra dat a Tallinn encunter l'Estonia. Era per ils emprims trais dal campiunadi mundial entschaiva oz la qualificaziun per l'EURO. Il campiun mundial, la Spagna, dat en nossa vischinanza, numnadamain a Vaduz encunter il Principadi dal Liechtenstein. (fb)
